Special

വൈകുന്നേരം രുചികരമാക്കാന്‍ ഈസി ‘തൈരുവട’

വടകളില്‍ ഏറെ പ്രസിദ്ധമാണ് തൈരുവട. ഹോട്ടലുകളില്‍ മാത്രമല്ല അല്‍പം ഉത്സാഹം കാണിച്ചാല്‍ വീട്ടിലും രുചികരമായ തൈരുവട ഉണ്ടാക്കാൻ കഴിയും.

ആവശ്യമായ സാധനങ്ങള്‍

1. ഉഴുന്ന് – ഒരുകപ്പ്
2. തൈര് – 4 കപ്പ്
3. കായപ്പൊടി – കാല്‍ ടീസ്പൂണ്‍
4. കടുകി – ടീസ്പൂണ്‍
5. പച്ചമുളക് – (വട്ടത്തില്‍ അരിഞ്ഞത്)ഒരെണ്ണം
6. മുളകുപൊടി – 1 ടീസ്പൂണ്‍
7. കറിവേപ്പില (പൊടിയായി അരിഞ്ഞത്) – 5 അല്ലി
8. എണ്ണ – ആവശ്യത്തിന്
9. ഇഞ്ചി – ഒരു ചെറിയ കഷ്ണം
10. ഉപ്പ് – പാകത്തിന്

തയ്യാറാക്കുന്നവിധം

നാലുമണിക്കൂര്‍ കുതിര്‍ത്ത ഉഴുന്ന് കുറച്ച് വെള്ളം ചേര്‍ത്ത് അരയ്ക്കുക. ഉഴുന്ന് അധികം അരയരുത്. ഇഞ്ചി, പച്ചമുളക്, ഉപ്പ് എന്നിവ മാവില്‍ ചേര്‍ത്ത് ഇളക്കുക. ഇതില്‍നിന്ന് ചെറിയ ഉരുളകള്‍ എടുത്ത് വടയുടെ ആകൃതിയില്‍ എണ്ണയിലെടുത്ത് വറുക്കുക. ഇവ കുറച്ചു സമയം ചൂടുവെള്ളത്തിലിട്ട് പിഴിഞ്ഞെടുത്ത് നന്നായി അടിച്ച തൈരിലേക്കിടുക. അരമണിക്കൂറിനുശേഷം ഇതിനുമീതെ ഉപ്പും മുളകുപൊടിയും വിതറുക. ഒരു ടേബിള്‍സ്പൂണ്‍ എണ്ണ ചൂടാക്കി കായപ്പൊടി, കടുക്, കറിവേപ്പില എന്നിവയിട്ട് വറുത്ത് കടുകുപൊട്ടുമ്പോള്‍ തൈരുവടയ്ക്ക് മീതെ കോരിയിടുക.

വൈകുന്നേരം രുചികരമാക്കാന്‍ ആവി പറക്കും ശര്‍ക്കര കൊഴുക്കട്ട

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

Leave a Reply

Your email address will not be published. Required fields are marked *