അഹമ്മദാബാദ്:നടക്കാനിരിക്കുന്ന ഗുജറാത്ത് തദ്ദേശ തെരഞ്ഞെടുപ്പിൽ എല്ലാ സീറ്റുകളിലും മത്സരിക്കാനൊരുങ്ങി ആംആദ്മി പാർട്ടി.തദ്ദേശ സ്വയം ഭരണ സ്ഥാപങ്ങളിലേക്ക് തെരഞ്ഞെടുപ്പിൽ മത്സരിക്കുന്ന 504 സ്ഥാനാർഥികളുടെ പട്ടികയും എഎപി പുറത്തുവിട്ടു.
പാർട്ടി വക്താവും എഎപി എംഎൽഎയുമായ അതിഷിയാണ് സ്ഥാനാർഥികളുടെ ആദ്യഘട്ട പട്ടിക പുറത്തുവിട്ടത്. ഗുജറാത്തിൽ ബിജെപിക്ക് ശക്തമായ ബദലാകാൻ എഎപിക്ക് കഴിയുമെന്നും ബിജെപിയെ അധികാരത്തിൽനിന്ന് നീക്കുമെന്നും അവർ പറഞ്ഞു.ഗുജറാത്തിൽ തദ്ദേശ തെരഞ്ഞെടുപ്പിൽ മാത്രമല്ല, നിയമസഭാ തെരഞ്ഞെടുപ്പിലും എഎപി മത്സര രംഗത്തുണ്ടാകുമെന്നും അതിഷി പറഞ്ഞു.
