Kerala

വ്യാഴാഴ്ച ചോദ്യം ചെയ്യാൻ ഇഡി നോട്ടിസ്;സിഎം രവീന്ദ്രന്‍ വീണ്ടും ആശുപത്രിയില്‍

മുഖ്യമന്ത്രി പിണറായി വിജയൻറെ അഡീഷണല്‍ പ്രൈവറ്റ് സെക്രട്ടറി സിഎം രവീന്ദ്രനെ വീണ്ടും ആശുപത്രിയില്‍ പ്രവേശിപ്പിച്ചു.അദ്ദേഹത്തെ തിരുവനന്തപുരം മെഡിക്കല്‍ കോളജിലാണ് പ്രവേശിപ്പിച്ചിരിക്കുന്നത്. വ്യാഴാഴ്ച ചോദ്യം ചെയ്യലിന് ഹാജരാകാന്‍ എൻഫോഴ്‌സ്‌മെന്റ് ഡിറക്ടറേറ്റ് സിഎം രവീന്ദ്രന് നോട്ടീസ് നൽകിയിരുന്നു.

നേരത്തെ രണ്ട് തവണ ഇഡി ചോദ്യം ചെയ്യാന്‍ നോട്ടീസ് അയച്ചപ്പോഴും രവീന്ദ്രന്‍ ആശുപത്രിയില്‍ ചികിത്സ തേടിയിരുന്നു. ആദ്യം കൊറോണ ബാധിച്ചതിബിനെ തുടർന്നും പിന്നീട് കോവിഡാനന്തര ചികിത്സയ്ക്കുമായിരുന്നു രവീന്ദ്രന്‍ ആശുപത്രിയില്‍ പ്രവേശിപ്പിച്ചത്. കൊറോണ വൈറസ് ബാധയ്ക്ക് ശേഷം ഇപ്പോഴും ശാരീരിക പ്രശ്‌നങ്ങള്‍ ഉണ്ടെന്നാണ് രവീന്ദ്രന്‍ പറയുന്നത്. തലവേദനയും കടുത്ത ക്ഷീണവും അടക്കമുള്ള പ്രശ്‌നങ്ങള്‍ ഉള്ളതിനാല്‍ രവീന്ദ്രനെ വിദഗ്ദ്ധ പരിശോധനയ്ക്ക് വിധേയമാക്കാനാണ് ഡോക്ടര്‍മാരുടെ തീരുമാനം.രവീന്ദ്രന് ന്യൂറോ സംബന്ധമായ പ്രശ്‌നങ്ങളുണ്ടെന്നാണ് സൂചന.

ഇത് മൂന്നാം തവണയാണ് രവീന്ദ്രന് ചോദ്യം ചെയ്യല്ലിന് ഹാജരാവാന്‍ ആവശ്യപ്പെട്ട് എൻഫോഴ്‌സ്‌മെന്റ് ഡിറക്ടറേറ്റ് നോട്ടീസ് നല്‍കുന്നത്.ആദ്യമായി ഒക്ടോബറില്‍ നോട്ടീസ് നല്‍കിയതിന് പന്നാലെ രവീന്ദ്രന്‍ കൊവിഡ് പൊസീറ്റീവായി ക്വാറന്റൈനില്‍ പ്രവേശിച്ചു. തുടർന്ന് കോവിഡ് മുക്തനായി ആശുപത്രി വിട്ട അദ്ദേഹത്തിന് രണ്ടാമത് എൻഫോഴ്‌സ്‌മെന്റ് നോട്ടീസ് നല്‍കിയെങ്കിലും കോവിഡാനന്തര ആരോഗ്യപ്രശ്‌നങ്ങള്‍ ചൂണ്ടിക്കാട്ടി അദ്ദേഹം വീണ്ടും ആശുപത്രിയില്‍ പ്രവേശിക്കുകയായിരുന്നു. തുടർന്ന് വടകരയിലെ അഞ്ച് വ്യാപാര സ്ഥാപനങ്ങളിലും എൻഫോഴ്‌സ്‌മെന്റ്സംഘമെത്തി പരിശോധന നടത്തിയിരുന്നു.

ഊരാളുങ്കല്‍ ലേബര്‍ കോര്‍പ്പറേഷനിനും രവീന്ദ്രനുമായുള്ള ബന്ധത്തെക്കുറിച്ചും എൻഫോഴ്‌സ്‌മെന്റ് അന്വേഷിച്ചു. അവസാനമായി ഇ ഡി രവീന്ദ്രന്റേയും ഭാര്യയുടേയും പേരിലുള്ള സ്വത്ത് വിവരങ്ങള്‍ ആവശ്യപ്പെട്ട് സംസ്ഥാന രജിസ്‌ട്രേഷന്‍ വകുപ്പിനേയും സമീപിച്ചിരുന്നു.

Leave a Reply

Your email address will not be published. Required fields are marked *