Kerala

ഒരേ ദിവസം കൺമണികൾക്ക് ജന്മം നൽകി ഇരട്ട സഹോദരിമാർ; അപൂർവ സൗഭാഗ്യത്തിന്റെ ആഹ്ലാദത്തിൽ തലയോലപ്പറമ്പ് സ്വദേശികളായ ശ്രീപ്രിയയും ശ്രീലക്ഷ്മിയും

കോട്ടയം: ഇരട്ട കുഞ്ഞുങ്ങൾക്ക് ജനിക്കുന്നത് അത്ര അപൂർവ്വമായ ഒന്നല്ല, എന്നാൽഇരട്ട സഹോദരിമാർ ഒരേ ദിവസം രണ്ട് കുരുന്നുകൾക്ക് ജന്മം നൽകുന്നത് അപൂർവ്വതയാണ്. കോട്ടയം തലയോലപ്പറമ്പ് സ്വദേശികളായ ശ്രീപ്രിയയയും ശ്രീലക്ഷ്മിയുമാണ് കഴിഞ്ഞ നവംബർ 29ന് ഒരേ സമയം കുഞ്ഞുങ്ങൾക്ക് ജന്മം നൽകിയത്.

ശ്രീപ്രിയയ്ക്കും ശ്രീലക്ഷ്മിയ്ക്കും പെൺ കുഞ്ഞുങ്ങൾ ജനിച്ചത് കോട്ടയം കാരിത്താസ് ആശുപത്രിയിൽ വെച്ചാണ് . കാരിത്താസ്‍ ആശുപത്രിയിലെ ഗൈനക്കോളജിസ്റ്റ് ഡോ. റെജി ദിവാകറാണ് ആദ്യം ഇക്കാര്യം സോഷ്യൽ മീഡിയയിലൂടെ അറിയിച്ചത്.

കോട്ടയം സ്വദേശികളായ ചന്ദ്രശേഖരന്റെയും അംബികയുടെയും മക്കളായി 1995 ഒക്ടോബർ 11നാണ് ശ്രീപ്രിയയും ശ്രീലക്ഷ്മിയും ജനിച്ചത്. ഇവരെ പരസ്പരം തിരിച്ചറിയാൻ പോലും ഏറെ പ്രയാസമായിരുന്നു. അഞ്ച് കൊല്ലം മുമ്പാണ് പട്ടാളക്കാരനായിരുന്ന ചന്ദ്രശേഖരൻ മരിച്ചത്. അമ്മ അംബിക ടീച്ചറാണ്. അംബിക ജോലി ചെയ്ത മലപ്പുറത്തെ സ്കൂളിലായിരുന്നു ഇരുവരും പഠിച്ചത്. പഠനം ഒരുമിച്ചായിരുന്നു. കോളേജിൽ ബികോം പഠിച്ചതും ഒരുമിച്ച്. തുടർന്ന് ചാർട്ടേഡ് അക്കൌണ്ടൻറ് കോഴ്സിനും ചേർന്നും. ജനനവും പഠനവും ഒരുമിച്ചായിരുന്ന ഈ സഹോദരിമാർ തങ്ങളുടെ കൺമണികൾക്ക് ജന്മം നൽകിയതും ഒരുമിച്ചുതന്നെ.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

Leave a Reply

Your email address will not be published. Required fields are marked *