Kerala

കുതിച്ചുയര്‍ന്ന് കോവിഡ് കേസുകള്‍, ശമനമില്ലാതെ വ്യാപനം; കണ്ണൂരിൽ ആശുപത്രികൾ നിറയുന്നു

കണ്ണൂര്‍ ജില്ലയിൽ കോവിഡ് രോഗികളുടെ എണ്ണം കുതിക്കുന്നത്​ ആശങ്ക വർധിപ്പിക്കുന്നു. ഈ മാസം ഇതുവരെ ജില്ലയിൽ 28,736 പേർക്കാണ്​ കോവിഡ്​ സ്ഥിരീകരിച്ചത്​. ഓണത്തിന് അനുവദിച്ച ഇളവുകൾ​ കോവിഡ് രോഗികളുടെ എണ്ണം വർധിക്കുമെന്ന​ ആരോഗ്യവകുപ്പി​ൻെറ അനുമാനം ശരിവെക്കുന്ന തരത്തിലാണ് നിലവിലെ​ കണക്കുകൾ.

ഇന്നലെ ​ജില്ലയിൽ രോഗികളുടെ എണ്ണം ഇരട്ടിയോളം വർധിച്ചു.ഇന്നലെ മാത്രം 1930 പേരാണ്​ പുതുതായി രോഗബാധിതരായത്​. രോഗികളുടെ എണ്ണം കുത്തനെ ഉയരുന്നതാടെ ജില്ലയിലെ ആശുപത്രികളും നിറയുകയാണ്​. നേരത്തെ കോവിഡ്​ സ്ഥിരീകരിക്കുന്നവരിൽ 75 ശതമാനവും കിടത്തിചികിത്സ ആവശ്യമായിരുന്നവരായിരുന്നെങ്കിൽ നിലവിൽ പകുതിയിൽ താഴെ പേർക്ക്​ മാത്രമേ ആശുപത്രിവാസം ആവശ്യമായിവരുന്നുള്ളൂ. എന്നാൽ, ആശുപത്രിയിൽ പ്രവേശിപ്പിക്കുന്ന 90 ശതമാനം പേർക്കും ഓക്​സിജൻ, ഐ.സി.യു, വൻെറിലേറ്റർ സൗകര്യം ആവശ്യമായവരാണ്​. നിലവിൽ ആശുപത്രിയിൽ പ്രവേശിപ്പിക്കപ്പെടുന്നവരിൽ എല്ലാവർക്കും കാര്യമായ ​പരിചരണം വേണ്ടിവരുന്നുണ്ട്​. കോവിഡ്​, കോവിഡേതര ചികിത്സക്കായി ജില്ലയിൽ 75 ആശുപത്രികളാണുള്ളത്​.

സി.എഫ്​.എൽ.ടി.സി, സി.എസ്.​എൽ.ടി.സി, കോവിഡ് ആശുപത്രികളും സർക്കാർ, സ്വകാര്യ മേഖലയിലെ ചികിത്സാകേന്ദ്രങ്ങളും അടക്കമുള്ള കണക്കാണിത്​. 553 ഐ.സി.യു അടക്കം 5812​ കിടക്കകളാണ്​ ജില്ലയിലുള്ളത്​. ആരോഗ്യവകുപ്പി​ൻെറ ബുധനാഴ്​ചത്തെ കണക്കുപ്രകാരം ഇതിൽ 43.7 ശതമാനം ഒഴിവുണ്ട്​. ​23 ശതമാനം ഐ.സി.യു മാത്രമാണ്​ ഒഴിവുള്ളത്​. ഇതിൽ മിക്കവയും ഉപയോഗിക്കാനാവാത്തതാണ്​. കോവിഡ്​ ചികിത്സക്കായി 213 ​ഐ.സി.യു കിടക്കകളാണ്​ മാറ്റിവെച്ചിട്ടുള്ളത്​. ഇതിൽ 49 എണ്ണമാണ്​ ഒഴിവുള്ളത്​. സാധാരണക്കാർ ഏറെ ആശ്രയിക്കുന്ന സർക്കാർ ആശുപത്രികളിൽ ഒട്ടുമിക്ക കിടക്കകളും ഇതിനോടകം നിറഞ്ഞിരിക്കുകയാണ്​. ജില്ല ആശുപത്രിയിൽ 23 ഐ.സി.യുകളിൽ ഒന്നുപോലും ഒഴിവില്ല. തലശ്ശേരി ജനറൽ ആശുപത്രിയിൽ 17ൽ മൂന്നും കണ്ണൂർ ഗവ. മെഡിക്കൽ കോളജിൽ 210ൽ 25 ഐ.സി.യു കിടക്കകളും മാത്രമാണ്​ ഒഴിവുള്ളത്​.കൂടാതെ ജില്ലയിലെ പ്രധാന സ്വകാര്യ ആശുപത്രികളിലും ഐ.സി.യു കിടക്കകൾക്ക്​ ക്ഷാമമുണ്ട്​.

കോവിഡും ഇതരരോഗങ്ങളും ബാധിച്ച്​ ഗുരുതരാവസ്ഥയിലാവുന്ന രോഗികളെ പ്രവേശിപ്പിക്കാനായി ഐ.സി.യു അന്വേഷിച്ച്​ പായുന്ന ബന്ധുക്കളുടെ അവസ്ഥ വളരെ ദയനീയമാണ്​. ആംബുലൻസുകളും ആവശ്യത്തിന്​ ലഭിക്കുന്നില്ലെന്നും പരാതി ഉയരുന്നുണ്ട്​. കോവിഡ്​ കണക്കുകൾ ഉയരുകയാണെങ്കിൽ സ്ഥിതി ഗുരുതരമാകാനിടയുണ്ട്​. ഓക്​സിജൻ അടക്കം ചികിത്സാസൗകര്യങ്ങൾ വർധിപ്പിക്കാനുള്ള ശ്രമത്തിലാണ്​ ആരോഗ്യവകുപ്പും ജില്ല ഭരണകൂടവും​.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

Leave a Reply

Your email address will not be published. Required fields are marked *