Kerala

മലപ്പുറം ജില്ലയില്‍ ഇന്ന് 2,941 പേര്‍ക്ക് കോവിഡ് ബാധ; 4,050 പേര്‍ക്ക് രോഗമുക്തി

മലപ്പുറം: കോവിഡ് 19 പ്രതിരോധ പ്രവര്‍ത്തനങ്ങള്‍ ശക്തിപ്പെടുത്തിയതിനൊപ്പം മലപ്പുറം ജില്ലയില്‍ കോവിഡ് 19 പ്രതിദിന രോഗികളുടെ എണ്ണത്തില്‍ നേരിയ കുറവ്. തിങ്കളാഴ്ച (മെയ് 17) 2,941 പേര്‍ക്ക് വൈറസ് ബാധ സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. 32.03 ശതമാനമാണ് ജില്ലയിലെ ടെസ്റ്റ് പോസിറ്റീവിറ്റി നിരക്ക്. എന്നാല്‍ രോഗികളുമായി നേരിട്ടുള്ള സമ്പര്‍ക്കത്തിലൂടെ വൈറസ് ബാധിതരാകുന്നവരുടെ എണ്ണത്തില്‍ കാര്യമായ മാറ്റമില്ല. തിങ്കളാഴ്ച രോഗം സ്ഥിരീകരിച്ച 2,858 പേര്‍ക്കും കോവിഡ് രോഗികളുമായി നേരിട്ടുള്ള സമ്പര്‍ക്കത്തിലൂടെ രോഗബാധ. 80 പേര്‍ക്ക് വൈറസ്ബാധയുണ്ടായതിന്റെ ഉറവിടം കണ്ടെത്താനായിട്ടില്ല. വിദേശത്തു നിന്ന് തിരിച്ചെത്തിയ ഒരാള്‍ക്കും ഇതര സംസ്ഥാനങ്ങളില്‍ നിന്നെത്തിയ രണ്ട് പേര്‍ക്കും രോഗബാധ സ്ഥിരീകരിച്ചിട്ടുണ്ട്.

അതിനിടെ ജില്ലക്ക് ആശ്വാസമായി തിങ്കളാഴ്ച 4,050 പേര്‍ രോഗവിമുക്തരായതായും ജില്ലാ മെഡിക്കല്‍ ഓഫീസര്‍ വ്യക്തമാക്കി. ഇവരുള്‍പ്പെടെ ജില്ലയില്‍ ഇതുവരെ 1,85,666 പേരാണ് കോവിഡ് മുക്തരായി സാധാരണ ജീവിതത്തിലേക്ക് മടങ്ങിയത്. രോഗവ്യാപനം ആശങ്കയുയര്‍ത്തുന്നതിനിടെ ഇത്രയധികം പേരെ ഒരു ദിവസം സാധാരണ ജീവിതത്തിലേക്ക് തിരിച്ചെത്തിക്കാനായത് ആശ്വാസകരമാണെന്നും ജില്ലാ മെഡിക്കല്‍ ഓഫീസര്‍ പറഞ്ഞു.

72,334 പേരാണ് ജില്ലയില്‍ ഇപ്പോള്‍ നിരീക്ഷണത്തില്‍ കഴിയുന്നത്. 51,184 പേരാണ് ചികിത്സയിലുള്ളത്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില്‍ 1,485 പേരും കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററുകളില്‍ 178 പേരും 425 പേര്‍ കോവിഡ് സെക്കന്‍ഡ് ലൈന്‍ ട്രീറ്റ്‌മെന്റ് സെന്ററുകളിലുമാണ്. തദ്ദേശഭരണ സ്ഥാപനങ്ങള്‍ക്കു കീഴിലുള്ള പ്രത്യേക താമസ കേന്ദ്രങ്ങളായ ഡൊമിസിലിയറി കെയര്‍ സെന്ററുളില്‍ 439 പേരും ശേഷിക്കുന്നവര്‍ വീടുകളിലും മറ്റുമായും നിരീക്ഷണത്തില്‍ കഴിയുന്നു. ജില്ലയില്‍ ഇതുവരെ 754 പേരാണ് കോവിഡ് ബാധിതരായി മരിച്ചത്.

തുടരണം ജീവന്റെ വിലയുള്ള ജാഗ്രത: ജില്ലാ മെഡിക്കല്‍ ഓഫീസര്‍

കോവിഡ് 19 വ്യാപനം വെല്ലുവിളിയുയര്‍ത്തുമ്പോള്‍ ജീവന്റെ വിലയുള്ള ജാഗ്രത കര്‍ശനമായി പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന. ലക്ഷണങ്ങളില്ലാത്ത വൈറസ് വാഹകരുമായി അടുത്തിടപഴകുന്നവര്‍ക്ക് വൈറസ് ബാധയേല്‍ക്കുന്നതാണ് ജില്ല നേരിടുന്ന പ്രധാന വെല്ലുവിളി. ആരോഗ്യ ജാഗ്രതാ നിര്‍ദ്ദേശങ്ങള്‍ പാലിക്കുകയും പരമാവധി വീടുകളില്‍ കഴിയുകയും ചെയ്യുന്നതിലൂടെ മാത്രമെ നിലവിലെ പ്രതിസന്ധി തരണം ചെയ്യാനാകൂ. പൊതു സമൂഹ രക്ഷക്കായി ഏര്‍പ്പെടുത്തിയ നിയന്ത്രണങ്ങള്‍ ഒരു കാരണവശാലും ലംഘിക്കരുതെന്നും ജില്ലാ മെഡിക്കല്‍ ഓഫീസര്‍ പറഞ്ഞു.

കുട്ടികളും മുതിര്‍ന്ന പൗരന്മാരും ഒരു കാരണവശാലും വീടിനു പുറത്തിറങ്ങരുത്. ഏതെങ്കിലും വിധത്തിലുള്ള ആരോഗ്യ പ്രശ്‌നങ്ങളുണ്ടായാലും വൈറസ് ബാധിതരുമായി സമ്പര്‍ക്കമുണ്ടായാലും അത് മറച്ചുവെക്കരുത്. നേരിട്ട് ആശുപത്രികളില്‍ പോകാതെ ആരോഗ്യ പ്രവര്‍ത്തകരെ ഇക്കാര്യം അറിയിച്ച് ആരോഗ്യ സംരക്ഷണം ഉറപ്പാക്കണം. അടുത്തുള്ള ആരോഗ്യ കേന്ദ്രം, ജില്ലാതല കണ്‍ട്രോള്‍ സെല്‍, ആരോഗ്യ പ്രവര്‍ത്തകര്‍ എന്നിവരുമായി ഫോണില്‍ ബന്ധപ്പെട്ട് ലഭിക്കുന്ന നിര്‍ദേശങ്ങള്‍ പൂര്‍ണമായും പാലിക്കണമെന്നും ജില്ലാ മെഡിക്കല്‍ ഓഫീസര്‍ പറഞ്ഞു.

ജില്ലാതല കണ്‍ട്രോള്‍ സെല്‍ നമ്പറുകള്‍: 0483 2737858, 2737857, 2733251, 2733252, 2733253.

തിങ്കളാഴ്ച (മെയ് 17) മലപ്പുറം ജില്ലയില്‍ രോഗബാധിതരായവരുടെ പ്രാദേശികാടിസ്ഥാനത്തിലുള്ള എണ്ണം ചുവടെ ചേര്‍ക്കുന്നു,

എ.ആര്‍ നഗര്‍ 16
ആലങ്കോട് 14
ആലിപ്പറമ്പ് 34
അമരമ്പലം 10
ആനക്കയം 22
അങ്ങാടിപ്പുറം 22
അരീക്കോട് 37
ആതവനാട് 36
ഊരകം 03
ചാലിയാര്‍ 31
ചീക്കോട് 62
ചേലേമ്പ്ര 08
ചെറിയമുണ്ടം 13
ചെറുകാവ് 27
ചോക്കാട് 15
ചുങ്കത്തറ 29
എടക്കര 30
എടപ്പറ്റ 21
എടപ്പാള്‍ 08
എടരിക്കോട് 23
എടവണ്ണ 144
എടയൂര്‍ 38
ഏലംകുളം 17
ഇരിമ്പിളിയം 13
കാലടി 12
കാളികാവ് 16
കല്‍പകഞ്ചേരി 56
കണ്ണമംഗലം 11
കരുളായി 17
കരുവാരക്കുണ്ട് 35
കാവനൂര്‍ 16
കീഴാറ്റൂര്‍ 30
കീഴുപറമ്പ് 32
കോഡൂര്‍ 13
കൊണ്ടോട്ടി 53
കൂട്ടിലങ്ങാടി 17
കോട്ടക്കല്‍ 35
കുറുവ 35
കുറ്റിപ്പുറം 11
കുഴിമണ്ണ 18
മക്കരപ്പറമ്പ് 33
മലപ്പുറം 172
മമ്പാട് 32
മംഗലം 04
മഞ്ചേരി 130
മങ്കട 43
മാറാക്കര 16
മാറഞ്ചേരി 76
മേലാറ്റൂര്‍ 12
മൂന്നിയൂര്‍ 19
മൂര്‍ക്കനാട് 53
മൂത്തേടം 08
മൊറയൂര്‍ 12
മുതുവല്ലൂര്‍ 28
നന്നമ്പ്ര 06
നന്നംമുക്ക് 19
നിലമ്പൂര്‍ 35
നിറമരുതൂര്‍ 23
ഒതുക്കുങ്ങല്‍ 35
ഒഴൂര്‍ 09
പള്ളിക്കല്‍ 22
പാണ്ടിക്കാട് 29
പരപ്പനങ്ങാടി 79
പറപ്പൂര്‍ 15
പെരിന്തല്‍മണ്ണ 35
പെരുമണ്ണ ക്ലാരി 21
പെരുമ്പടപ്പ് 12
പെരുവള്ളൂര്‍ 08
പൊന്മള 03
പൊന്മുണ്ടം 11
പൊന്നാനി 22
പൂക്കോട്ടൂര്‍ 18
പോരൂര്‍ 42
പോത്തുകല്ല് 15
പുലാമന്തോള്‍ 24
പുളിക്കല്‍ 34
പുല്‍പ്പറ്റ 15
പുറത്തൂര്‍ 08
പുഴക്കാട്ടിരി 15
താനാളൂര്‍ 14
താനൂര്‍ 12
തലക്കാട് 17
തവനൂര്‍ 18
താഴേക്കോട് 16
തേഞ്ഞിപ്പലം 07
തെന്നല 10
തിരുനാവായ 17
തിരുവാലി 37
തൃക്കലങ്ങോട് 51
തൃപ്രങ്ങോട് 01
തുവ്വൂര്‍ 12
തിരൂര്‍ 59
തിരൂരങ്ങാടി 34
ഊര്‍ങ്ങാട്ടിരി 16
വളാഞ്ചേരി 16
വളവന്നൂര്‍ 88
വള്ളിക്കുന്ന് 16
വട്ടംകുളം 17
വാഴക്കാട് 25
വാഴയൂര്‍ 38
വഴിക്കടവ് 28
വെളിയങ്കോട് 11
വേങ്ങര 13
വെട്ടത്തൂര്‍ 11
വെട്ടം 06
വണ്ടൂര്‍ 78

മലപ്പുറം ജില്ലയില്‍ 6,36,933 പേര്‍ കോവിഡ് പ്രതിരോധ വാക്‌സിന്‍ സ്വീകരിച്ചു

മലപ്പുറം ജില്ലയില്‍ കോവിഡ് വാക്‌സിന്‍ വിതരണം പുരോഗമിക്കുന്നു. പ്രത്യേക വിഭാഗങ്ങളിലായുള്ള മുന്‍ഗണനാ ക്രമത്തിലാണ് വാക്‌സിന്‍ വിതരണം നടക്കുന്നത്. വ്യാഴാഴ്ച വരെ 6,36,933 പേര്‍ കോവിഡ് പ്രതിരോധ വാക്‌സിന്‍ സ്വീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. 5,08,589 പേര്‍ക്ക് ഒന്നാം ഡോസും 1,28,344 പേര്‍ക്ക് രണ്ടാം ഡോസുമാണ് നല്‍കിയത്.

ആരോഗ്യ പ്രവര്‍ത്തകരില്‍ 38,911 പേര്‍ക്ക് കോവിഡ് പ്രതിരോധ വാക്‌സിന്റെ ഒന്നാം ഡോസും 27,969 പേര്‍ക്ക് രണ്ടാം ഡോസും നല്‍കി. കോവിഡ് മുന്നണി പോരാളികളില്‍ 16,116 പേര്‍ക്ക് ഒന്നാം ഡോസും 16,487 പേര്‍ക്ക് രണ്ടാം ഡോസും ലഭ്യമാക്കി. പോളിംഗ് ഉദ്യോഗസ്ഥരില്‍ 12,881 പേര്‍ രണ്ടാം വാക്‌സിന്‍ സ്വീകരിച്ചു. നേരത്തെ 33,546 പോളിംഗ് ഉദ്യോഗസ്ഥര്‍ക്ക് ആദ്യ ഘട്ട വാക്‌സിന്‍ നല്‍കിയിരുന്നു. 45 വയസിനു മുകളില്‍ പ്രായമുള്ള 4,20,016 പേര്‍ ആദ്യഘട്ട വാക്‌സിനും 71,007 പേര്‍ രണ്ടാം ഘട്ട വാക്‌സിനുമാണ് നല്‍കിയിരിക്കുന്നത്.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

Leave a Reply

Your email address will not be published. Required fields are marked *