Kerala

തങ്ക അങ്കി രഥഘോഷയാത്ര ഇന്ന് സന്നിധാനത്തെത്തും;തീർത്ഥാടകർക്ക് കടുത്ത നിയന്ത്രണം

ശബരിമല ശ്രീ അയ്യപ്പ സ്വാമിക്ക് ചാർത്താനുള്ള തങ്ക അങ്കിയും വഹിച്ചുള്ള ഘോഷയാത്ര ഇന്ന് പമ്പയില്‍ എത്തിച്ചേരും.ആറന്മുള പാര്‍ത്ഥ സാരഥി ക്ഷേത്രത്തില്‍ നിന്നും ചൊവ്വാഴ്ച പുറപ്പെട്ട തങ്ക അങ്കി ഘോഷയാത്ര ഉച്ചക്ക് പമ്പയില്‍ എത്തിച്ചേരും.ഭക്തർക്ക് പമ്പയിൽ മൂന്ന് മണിവരെ തങ്ക അങ്കി ദര്‍ശനത്തിന് അവസരമുണ്ട്.

മുന്ന് മണിയോടെ തങ്ക അങ്കി പ്രത്യേക പേടകത്തിലാക്കി സന്നിധാനത്തേക്ക് കൊണ്ട് വരും.ദേവസ്വം ബോര്‍ഡ് അധികൃര്‍ ശരംകുത്തിയില്‍ വച്ച് തങ്ക അങ്കിക്ക് ആചാരപരമായ വരവേല്‍പ് ഒരുക്കും.തുടർന്ന് സന്നിധാനത്ത് എത്തിക്കുന്ന തങ്ക അങ്കി ഭഗവൻ ചാർത്തി ആറര മണിക്ക് ദീപാരാധന നടക്കും.തങ്ക അങ്കി ഘോഷയാത്ര കണക്കിലെടുത്ത് തീര്‍ത്ഥാടകര്‍ക്ക് ഇന്ന് ഉച്ചക്ക് ശേഷം മലകയറുന്നതിന് നിയന്ത്രണങ്ങള്‍ ഉണ്ട്.ഉച്ചയ്ക്ക് ഒരുമണിക്ക് ശേഷം തീര്‍ത്ഥാടകരെ സന്നിധാനത്തേക്ക് കടത്തിവിടില്ല.

നാളെയാണ് മണ്ഡല പൂജ. ഉച്ചക്ക് പതിനൊന്ന് നാല്‍പ്പതിനും പന്ത്രണ്ട് ഇരുപതിനും ഇടക്ക് ഉച്ചപൂജയോട് അനുബന്ധിച്ച് നടക്കുന്ന പ്രത്യേക പൂജയാണ് മണ്ഡല പൂജ. തുടര്‍ന്ന് രാത്രി ഒന്‍പത് മണിക്ക് ഹരിവരാസനം പാടി നട അടക്കുന്നതോടെ മണ്ഡല പൂജയ്ക്ക് പരിസമാപ്തിയാകുന്നു.തുടർന്ന് മകരവിളക്ക് തീര്‍ത്ഥാടനത്തിനായി ഡിസംബര്‍ മുപ്പതിന് നടതുറക്കും.ശബരിമലയിൽ രോഗ വ്യാപനം കണക്കിലെടുത്ത് തീര്‍ത്ഥാടകർക്ക് ആര്‍ റ്റി പി സി ആര്‍ കൊവിഡ് നെഗറ്റീവ് സര്‍ട്ടിഫിക്കറ്റ് നിര്‍ബന്ധമാക്കിയിട്ടുണ്ട്.

Leave a Reply

Your email address will not be published. Required fields are marked *