Kerala

‘അബാക്ക’ ഇനിമുതല്‍ ‘ദയ’യുടെ സ്‌നേഹത്തണലില്‍

റോഡിലൂടെ വലിച്ചിഴച്ച് കൊണ്ടുപോയ നായയുടെ വീഡിയോ ഏറെ വേദനയോടെയാണ് കേരളം കണ്ടത്.ഉടമയിൽ നിന്ന് തന്നെ കൊടുംക്രൂരതയ്ക്ക് ഇരയാകേണ്ടി വന്ന പെണ്‍നായ ഇനിമുതല്‍ ‘ദയ’ സംഘടനയുടെ സ്‌നേഹത്തണലില്‍ ജീവിക്കും. ‘അബാക്ക’ എന്ന പേരും ദയ പ്രവര്‍ത്തകര്‍ പെണ്‍നായക്ക് നല്‍കി. ആദ്യ വനിതാ സ്വാതന്ത്ര്യസമര പോരാളിയാണ് അബാക്കയെന്ന് ദയയുടെ പ്രവര്‍ത്തകര്‍ പറയുന്നു.

അബാക്ക ഇപ്പോൾ കഴിയുന്നത് ദയ വൈസ് പ്രസിഡന്റ് ടി ജെ കൃഷ്ണന്റെ സംരക്ഷണയിലാണ്. ദയയുടെ ഇന്റലക്ച്വല്‍ സെല്ലിലെ വിനീത മേനോനാണ് നായയ്ക്ക് ‘അബാക്ക’ എന്ന് നൽകിയത്.റോഡിലൂടെ വലിച്ചിഴച്ചതുമൂലം പരിക്കുകൾ പറ്റിയ അബാക്കയെ ശനിയാഴ്ച വിദഗ്ധ ചികിത്സയ്ക്കായി ‘ദയ’ പ്രവര്‍ത്തകര്‍ തൃപ്പൂണിത്തുറ ആസാദ് ജങ്ഷനിലെ ഡോ. കിഷോര്‍ ജനാര്‍ദനന്‍, ഡോ. സോണിയ സതീഷ് എന്നിവരുടെ അടുക്കലെത്തിച്ചു.നായയുടെ കാലിലും മുട്ടിലും മറ്റുമായി 15ലേറെ ഭാഗത്ത് റോഡിൽ ഉരഞ്ഞ പരിക്കുകളുണ്ട്. അഞ്ചുദിവസം ആന്റിബയോട്ടിക് ഇന്‍ജക്ഷനും മുറിവ് ഉണങ്ങാനുള്ള ഡ്രസ് ചെയ്യലും ഡോക്ടർ നിര്‍ദേശിച്ചിട്ടുണ്ട്.

Leave a Reply

Your email address will not be published. Required fields are marked *