പോളിങ് ആരംഭിച്ച് രണ്ടുമണിക്കൂർ പിന്നിടുമ്പോൾ തൃശൂർ ജില്ലയിൽ 8.41 ശതമാനം പോളിങ്. മന്ത്രിമാർ അടക്കമുള്ള പ്രമുഖർ രാവിലെ തന്നെ വോട്ട് രേഖപ്പെടുത്തി. മന്ത്രിമാരായ സി. രവീന്ദ്രനാഥ് കേരളവർമ കോളേജിലും വി.എസ് സുനിൽകുമാർ മുറ്റിച്ചൂർ സ്‌കൂളിലും എ.സി മൊയ്‌തീൻ പനങ്ങാട്ടുകാര സ്‌കൂളിലും വോട്ട് രേഖപ്പെടുത്തി. വോട്ട് ചെയ്യാനെത്തിയ മന്ത്രി മൊയ്‌തീൻ ഇവിടെ പെരുമാറ്റ ചട്ടലംഘനം ഉണ്ടായെന്ന് ആരോപണമുയർന്നു. കോൺഗ്രസ് പരാതി നൽകി. അന്തിക്കാട് ചാഴൂരിലും ചേലക്കര, ആമ്പല്ലൂർ, ചാലക്കുടി മോതിരക്കണ്ണി, മാള എന്നിവിടങ്ങളിലാണ് വോട്ടിംഗ് യന്ത്രങ്ങൾ പണിമുടക്കിയത്.
